Özbəkistan Prezidenti Şavkat Mirziyoyev ölkəsinin Müdafiə Nazirliyinin bayraq və embleminin yaradılması haqqında Fərman imzalayıb.

Müdafiə Nazirliyinin bayrağı göy rəngdə, düzbucaq şəkildə olacaq. Göy rəng hakimiyyət, əzəmət, ləyaqət, güc və qüdrəti təcəssüm etdirir. Bayrağın mərkəzində-üz və arxa tərəfdə Müdafiə Nazirliyinin emblemi əks ediləcək. Emblem göy haşiyəli, sarı rəngli dairədən ibarətdir. Emblemin ortasında səkkizguşəli ulduz var. Səkkizguşəli ulduz qədim Şərqdə milli arxitektura sənətinin əsas elementi olmaqla yanaşı, dövlətçiliyin, birliyin hərbi təcəssümüdür. Ulduzun mərkəzində isə böyük hökmdar və sərkərdə Əmir Teymurun at üstündə qızılı əksi təsvir olunacaq.

Qulu Kəngərli