İyulun 29-da London Olimpiadasında 14 dəst mükafat oynanılıb.

Çin, Şimali Koreya, ABŞ və Fransa hərəyə iki qızıl medal qazanıb.

Daha bir qızıl medal isə Koreya, Hollandiya, Macarıstan, Gürcüstan, CAR və Qazaxıstanın hesabına yazılıb.

Ümumi komanda hesabında Çin əminliklə öz üstünlüyünü artırır, onun aktivində artıq 6 qızıl, 4 gümüş və 2 bürünc medal var. 2-ci yerdə ABŞ (3-5-3), 3-cü yerdə isə (2-3-2) İtaliya qərarlaşıb.

Azərbaycan ağırlıq qaldıran Valentin Xristovun (56 kq) qazandığı bürünc medalla 22-30-cü yerləri bölüşür. Postsovet məkanı ölkələri arasında Qazaxıstan (2-0-0), Rusiya (1-0-3) və Gürcüstandan (1-0-0) geri qalır. Moldova, Ukrayna və Özbəkistan da Azərbaycan kimi bir bürünc medala malikdir. Ümumilikdə 30 ölkənin artıq hesabında medal var.

Qazanılan mükafatların sayına görə birinci üçlüyə Çin (12), ABŞ (11) və İtaliya (7) daxildir.

İyulun 30-da Olimpiadada 12 dəst medal oynanılacaq.

Elmir Əliyev