Xəzər dənizində 1 gündə 10 nəfər boğulmaq təhlükəsi ilə üzləşib.

Davam.Az Fövqəladə Hallar Nazirliyinin (FHN) saytına istinadən xəbər verir ki, dünən Xəzər rayonu ərazisindəki “Buzovna” çimərliyində 2 nəfər, Sabunçu rayonu ərazisindəki “Bilgəh” çimərliyində isə 3 nəfər boğulmaq təhlükəsi ilə üzləşib.

Bundan başqa, eyni fakt üzrə Xəzər dənizinin “Sumqayıt” hissəsində 1 nəfər, Abşeron rayonundakı “Fatmayı” çimərliyində 2 nəfər və Binəqədi rayonundakı “Novxanı” çimərliyində də 1 nəfər qeydə alınıb.

Bütün faktlarla bağlı FHN-nin dalğıcları xilasetmə əməliyyatları keçirərək boğulmaq təhlükəsi ilə üzləşən 10 nəfəri xilas ediblər.

Qeyd edək ki, çimərlik mövsümü başlayandan bu günə qədər analoji fakt üzrə 100-dən çox insan xilas edilib.