İpoteka kreditinin məbləği 100 min manata, sosial ipotekaların məbləği isə 60 min manata kimi artırıla bilər

Azərbaycan Mərkəzi Bankı (AMB) tərəfindən ipoteka kreditlərinin verilməsi qaydalarında dəyişiklik edilə bilər. Bu barədə AMB-nin baş direktoru Rəşad Orucov bildirib.

Onun sözlərinə görə, hazırda qaydalara ediləcək dəyişikliklərlə bağlı təkliflərə baxılır: “Müxtəlif variantlara nəzər yetirilir, yəqin ki, ipoteka məbləğinin təxminən iki dəfə artırılaraq 100 min manata, sosial ipotekanın isə 60 min manata qədər artırılması nəzərdə tutulur”.

R. Orucov bildirib ki, ipotekanın faiz dərəcələrinin azaldılması məsələsi də təkliflər sırasındadır və bu məsələ hazırda müzakirə edilir.