Öyrənci “Arman” qurumunun keçmiş məsul şəxsi, Güney azərbaycanlı fəal mühəndis Məsud Hüseynzadənin durumundan heç bir xəbər yoxdur.

Öz ata evində təhlükəsizlik qüvvələri tərəfindən həbs olunan Hüseynzadə artıq 20 günə yaxındır naməlum vəziyyətdə Təbriz ETTELAATının (İran Kəşfiyyat Nazirliyi) təcridxanasında saxlanılır.

O, həbs olunduğu gündən bəri öz ailəsi ilə heç bir əlaqə saxlamayıb və bu xəbərsizlik onun ailəsinin nigaranlığını artırıb. Məlumata görə, ailəsi onunla əlaqə saxlamaq üçün bir çox səlahiyyətli orqana müraciət etsələrdə, bu cəhdlər heç bir nəticə verməyib.