Bu ilin oktyabrın 1-i vəziyyətinə Azərbaycada iqtisadi fəal əhalinin sayı 4 597,9 min nəfər olub.

Dövlət Statistika Komitəsindən verilən məlumata görə, iqtisadi fəal əhalinin 4 343,7 min nəfərini iqtisadiyyatın və sosial bölmənin müxtəlif sahələrində məşğul olan əhali təşkil edib.

Bununla yanaşı, oktyabrın 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilmiş şəxslərin sayı 39,4 min nəfər olub. Onların 43%-ni qadınlar təşkil edib. Hər bir boş iş yerinə (vakansiyaya) işsiz statusuna malik olanların 2 nəfəri düşüb. İşsizliyə görə müavinətin orta məbləği 178,9 manat olub.

Qeyd edək ki, ötən ayın əvvəlinə ölkədə rəsmi işsiz statusuna malik olanların sayı 39,9 min nəfər təşkil edib.