Urmunun İran parlamentindəki millət vəkili Nadir Qazipur növbədi dəfə Urmu Gölü böhranından danışıb.

Qazipur parlamentdəki çıxışında belə deyib:

“Urmu Gölü probleminin yetərli büdcəyə və dövlət ilə parlamentin tədbirinə ehtiyacı var.

Urmu Gölü ölkənın əsas böyük göllərindən biridir. Ancaq bu göl hazırda məhv olmaqdadır və əgər gec hərəkətə keçsək, artıq ondan əsər-əlamət qalmayacaq”.



Qazipur, Gölün quruyacağı təqdirdə duz sunamısı ilə bağlı xəbərdarlıq edərək əlavə edib ki, mütləq Arazdan Urmu Gölünə su gətirilməlidir.



qeyd edək ki, Güney Azərbaycanın Urmu Gölü əsasən gölə tərəf axan çayların üzərində səddlər tikildiyinə görə artıq qurumaq üzrədir. Mütəxəssislər gölün son nəfəslərinin olduğu barədə həyəcan təbili çalırlar. Milyonlarla Azərbaycanlı uzun illərdir bu gölü qurtarmaq üçün mübarizə aparırlar. Lakin təəssüflər olsun ki, bu günə qədər İran rejimi tərəfindən heç bir tədbir alınmayıb.