ABŞ (Amerika Birləşmiş Ştatları) müdafiə naziri Leon Panetta 5 günlük Yaxın Şərq turunun ilk günündə Tunisə baş çəkib.

Jurnalistlərə açıqlamasında Panetta sanksiyaların İranın iqtisadiyyatına ziyan vurduğunu lakin Tehranın nüvə proqramından hələ də əl çəkmədiyini diqqətə çatdırıb. Beynəlxalq ictimaiyyətin İranın nüvə silahı istehsalının qarşısını almaq üçün sanksiyaların əhatəsini daha da artırmaqda və sərtləşdirməkdə qərarlı olduğunu vurğulayan Pentaqon rəhbəri rəsmi Vaşiqntonun nüvə silahına sahib İrana göz yummayacağını və Tehranı dayandırmaq üçün hər vasitədən istifadə etməyə hazır olduğunu dilə gətirib.