Hazərırda fars şovinizminin zindanında məhbus həyatı yaşayan azərbaycanlı fəal Məhəmməd İskəndərzadənin səhhətində yaranan problemlər nigaranlığa səbəb olub.




İskəndərzadə ETTELAATda (İran Kəşfiyyat Nazirliyi) saxlanıldığı müddətdə işgəncələrə məruz qalıb və bu səbəbdən də səhhətində ciddi problemlər yaranıb. ETTELAAT ailəsinə heçnə demədən onu Təbrizin Şeyxulislam xəstəxanasına aparmalı olub və keçici müalicədən sonra, onu təkrar ETTELAATa sonra isə zindana intiqal edib.



Məlumata görə, hal-hazırda onun zindanda səhhəti yaxşı deyil və zindanın poliklinikası ona diqqət yetirmir.



Qeyd edək ki, işgəncələr nəticəsində adını çəkdiyimiz azərbaycanlı fəalın qulaq və ürək nahiyyələrində ciddi problemlər yaranıb. O, zindana intiqal edildikdən sonra, narkomanlara aid olan 15-ci bölümə köçürülüb.