İranda həbs olunmuş azərbaycanlı şairlərin azad edilməsi tələbi ilə bu ölkənin Bakıdakı səfirliyi qarşısında piket keçirilib. Aksiyada müxtəlif KİV-ləri təmsil edən onlarla jurnalist iştirak edib.

Aksiya iştirakçıları bildiriblər ki, piketin keçirilməsində məqsəd beynəlxalq təşkilatların və ictimaiyyətin diqqətini 3 aydan artıqdar ki, İranda həbsdə saxlanılan azərbaycanlı şairlər Fərid Hüseyn və Şəhriyar Hacızadənin sabah keçiriləcək məhkəməsinə yönəltməkdir. Piketçilər aksiyanın qətnaməsini oxuyublar və onu səfirliyə təqdim ediblər. Polis aksiyanın keçirilməsinə mane olmayıb.