Milli Dirçəliş Hərəkatı Partiyasının sədri, millət vəkili Fərəc Quliyev rejissor və ssenarist Rövşən Almuradlının vəfatı ilə bağlı başsağlığı verib. Başsağlığında deyilir:

“Tanınmış rejissor və ssenarist Rövşən Almuradlının vəfatı xəbəri bizi dərindən sarsıtdı. Azərbaycan teatr və kino sənətinə böyük töhfələri olmuş Rövşən Almuradlının dünyadan köçməsi Azərbaycan mədəniyyəti və xalqı üçün böyük bir itgi oldu. Bu ağır itgi ilə bağlı xalqımıza və mərhumun bütün doğmalarına şəxsim və sədri olduğum Milli Dirçəliş Hərəkatı Partiyası üzvləri adından dərin hüzünlə başsağlığı verirəm.

Allahdan mərhuma rəhmət, yerinin Cənnət, ruhunun şad olmasını diləyirik”