Cümə günü Əlcəzairin eyniadlı paytaxtında sonradan polislə toqquşmaya çevrilən kütləvi nümayiş zamanı 108 nəfər saxlanılıb.

Bu barədə ölkənin Daxili İşlər Nazirliyinin məlumatında deyilir.

“Hazırda 108 nəfər saxlanılıb”, – deyə sənəddə qeyd olunur.

Toqquşmalar zamanı 27 polis əməkdaşı zərər çəkib, 4 nəfər ciddi yaralanıb. Onlar qarşı tərəfin atdığı daş və küt əşyalardan xəsarət alıblar. Həmçinin bir neçə polis maşınına ziyan dəyib.