Rusiyanın sabiq baş naziri Yevgeni Primakov İsrailə İranla macəraların yaxşı qurtarmayacağı barədə xəbərdarlıq edib.İRNA-ın məlumatına görə, Y. Primakov bildirib ki, İsrailin İranın nüvə obyektlərini bombalamağa cəhd göstərməsi bölgənin sabitliyini poza bilər: “Düzdür, İsrailin İranın nüvə obyektlərinə hücum ehtimalı çox azdır. Ancaq belə bir hücumun nəticələri İran üçün kiçik, bölgə üçün böyük təhlükə kəsb edəcək. İsrailin hərbi təhdidləri və sözləri İranın gündən-günə artan gücü ilə mübarizədə psixoloji döyüşdür. ABŞ bu şərtlərdə, özü də prezident seçkilərinin keçiriləcəyi ərəfədə belə bir hücumun olmasını istəməz və İsrailə də mane olar”.