Təbrizin İran parlamentindəki millət vəkili İran kütləvi informasiya vasitələrini Şərqi Azərbaycanda baş verən zəlzələ ilə bağlı diqqətsizlikdə suçladı.

Əlirza Monadi Sefidan “İsna” xəbər agenrliyinin müxbirinə belə deyib:

“Əhali dünənki zəlzələnin xəbərlərinin İran Telekanallarında işıqlandırılmamasından narazıdır. Dünən yüzlər insanın dağıntılar altında qaldığı halda, Televiziya proqramlarında və hətta səhər proqramlarında zəlzələnin baş verdiyinə işarə olunmayıb və əhalidən istənilməyib ki, dağıtılar altında qalanlara dua edilsin”.



Məclisin riyasət heyətinin üzvü əlavə edib ki, “Telekanalların zəlzələ xəbərlərini işıqlandırmaması əhalini olduqca narahat edib. belə nəzərə gəlir ki, zəlzələnin baş verməsi və zərərçəkən vətəndaşlarımıza bundan daha çox diqqət ayrılmalı idi”.