Mayın 26-da Gürcüstanda ilk dəfə ölkə üzrə eyni vaxtda geniş miqyaslı aksiya keçiriləcək.

Gürcüstanın Müstəqillik Günündə saat 17:10-da bütün ölkə vətəndaşları dövlət himnini ifa edəcəklər.

Bayram tədbirinin təşkilatçıları bununla əlaqədar ölkə vətəndaşlarına, idarə və müəssisələrə müraciət ediblər.

Dövlət himni meydan, prospekt, ictimai nəqliyyat vasitələrində, o cümlədən avtobus və qatarlarda eyni vaxtda ifa olunacaq.

Məlumat üçün qeyd edək ki, 1918-ci il mayın 26-da Noy Jordaniya saat 17:10-da ölkə vətəndaşlarını ilk Gürcüstan Demokratik Respublikasının yaranması münasibətilə təbrik edib və müvafiq aktı imzalayıb.

Xətayi Əzizov