Tunisin yeni konstitusiyası ölkə parlamenti tərəfindən ən tez 2013-cü ilin aprelində qəbul olunacaq. Bu barədə Tunisin Konstitusiya komissiyası məlumat yayıb.
Qeyd edək ki, daha öncə hökumət üzvləri Konstitusiyanın 2012-ci ilin oktyabrından gec olmayaraq qəbul ediləcəyini bəyan etmişdilər.
2011-ci il yanvarın 14-də Tunisi 24 il idarə etmiş Zeynalabdin Ben Əli xalq etirazları nəticəsində ölkəni tərk edib. Hakimiyyətə gəlmiş yeni qüvvələr ölkə Konstitusiyasını dəyişmək üçün müvafiq komissiya yaradıblar.