"İslam" respublikasının KİV-i ölkənin istənilən hücuma hazır olduğunu bildirir
"İranın silahlı qüvvələri yüksək hərbi hazırlığa gətirilib. İran ona qarşı istənilən təxribata hazırdır. Qərbin hər hansı bir ölkəsi bizə hücum etmək qərarına gələrsə, İran güc tətbiq edəcək və hərbi gücümüz təsəvvür etdiklərindən də güclü olar. Hazırda təxirəsalınmaz yüksək hərbi hazırlıq rejminə keçid qərarı verilib". Bütün bunlar İranın "Fars" agentliyində yer alıb.

Bu tədbirlər İsrailin İranın nüvə obyektlərinə mümkün zərbə endirilməsinə dair məlumatlardan sonra görülüb.

Xatırladaq ki, avqusutun 10-da İsrailin baş naziri Benyamin Netanyahu, eləcə də müdafiə naziri Ehud Barak bildirmişdirlər ki, payızda İranın nüvə obyektlərinə hücum etmək istərdilər, lakin hələlik ordu və xüsusi xidmət komandanlığı bunu məsləhət görmür.