Bir necə gün davam isti hava şəraitindən sonra avqustun 17-dən Azərbaycan ərazisində hava şəraiti nisbətən sərinləşəcək.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev çərşənbə axşamı deyib ki, avqustun 17-dən ölkə ərazisində havanın temperaturu ötən günlərə nisbətən bir neçə dərəcə aşağı düşəcək.
Avqustun 17-də və 18-də Bakıda və Abşeron yarımadasında şimal küləyi əsəcək. Küləyin sürətinin arabir güclənəcəyi gözlənilir. Havanın temperaturunun gündüz saatlarında 30-35 dərəcə isti olacağı proqnozlaşdırılır.
Havanın temperaturunun enməsi respublikanın rayonlarında da müşahidə ediləcək.