Avqustun 11-də Şərqi Azərbaycan vilayətində baş vermiş zəlzələ nəticəsində dağıntılar altında qalmış 3 nəfər sağ çıxarılıb.Hər 3 şəxs Vərzigan sakinidir. Onlardan ikisi 5 nəfərlik ailənin yeganə sağ qalan üzvləridir. Sağ çıxarılan qadın isə Vərziganın Sərxagu kəndinin sakinidir və 4 uşaq anasıdır.
Qeyd edək ki, İranın Qızıl Aypara Cəmiyyətinin verdiyi məlumata görə, fəlakət bölgəsində avqustun 12-də xilastemə işləri dayandırılıb. Lakin yerli əhali dağıntılar altında qalmış qohumlarını hələ də axtarmağa davam edir.