Marağanın İran parlamentindəki millət vəkili Mehdi Dəvatgəri bildirib ki, “Qızıl Aypara Cəmiyyəti (Helal Əhmər) 9 saat zəlzələdən sonra bölgəyə çatıb, bunun izahı yoxdur”.




Dəvatgəri sözlərini belə davam edib:

“6-cı gün saat 16:30 radələrində zəlzələ baş verdi. Lakin Qızıl Aypara Cəmiyyəti saat 1:30-da hadisə yerinə gəlib. Bunun heç bir izahı yoxdur”.



Millət vəkili dağıntılar altında qalan mal-qaranın sürətlə təxliyyə edilməsinin vacib olduğunu vurğulayaraq bildirib ki, “isti hava şəraitinə görə dağıntılar altında ölən mal-qara artıq fəsadlara səbəb olur və üfunət iyisi hər yerdə hiss olunur. Mal-qara çox pis vəziyyətdədir. Əgər baytarlıq (dampezeşki) məsulları dərhal müdaxilə etməsələr böyük bir insani faciəyə yol açılacaq”.



Qeyd edək ki, bu gərgin vəziyyətə baxmayaraq hələlik bölgəyə heç bir baytar göndərilməyib.