İndoneziyanın şərqində yerləşən Papua əyalətində silsilə zəlzələlər baş verib.

ABŞ Geoloji Xidməti xəbər verir ki, təqribən 2 saat ərzində baş verən silsilə zəlzələlərin birincisi 6,1, ikincisi 5,2, üçüncüsü isə 5,1 bal gücündə olub.

Yeraltı təkanların episentri Abepura yaşayış məntəqəsindən 233 kilometr qərbdə, ocağı 22 kilometr dərinlikdə yerləşib.

Dağıntılar və zərərçəkənlər barədə hələlik məlumat verilmir.

Vüqar Ağayev