Azərbaycan sərhəd mühafizəsinin yaranmasının 93-cü ili tamam olur. Bu münasibətlə Dövlət Sərhəd Xidmətinin (DSX) rəhbərliyi və mərkəzi aparatının şəxsi heyəti Fəxri xiyabanda Heydər Əliyevin məzarını ı və Şəhidlər xiyabanını ziyarət edib. DSX rəhbərliyi, həmçinin Şəhidlər xiyabanında dəfn olunan sərhədçi Milli Qəhrəman Eldar Məmmədovu da yad edib.
Jurnalistlərə açıqlamasında DSX rəisi, general-leytenant Elçin Quliyev Azərbaycan sərhəd mühafizəsinin son illərdə böyük inkişaf yolu keçdiyini qeyd edib. Sərhəd Qoşunlarının müasir silah, hərbi texnika, müşahidə avadanlıqları ilə təchiz olunduğunu deyən E. Quliyev artıq bu ildən inkişafın yeni mərhələsinin başlandığını vurğulayıb.
DSX rəisi Azərbaycanın dövlət sərhədlərinin etibarlı şəkildə qorunduğunu bəyan edib.