Çinin Siçuan vilayətinin İbin şəhəri yaxınlığında iyulun 3-də 4,8 bal gücündə zəlzələ olub.

Çin Seysmoloji Mərkəzi xəbər verir ki, zəlzələnin episentri yer səthindən 10 kilometr dərinlikdə olub. Zərərçəkənlər və yaralananlar, həmçinin dağıntılar barədə məlumat yoxdur.

Qeyd edək ki, iyunun 17-də və iyunun 22-də İbin şəhəri ərazisində baş verən zəlzələlərdə ümumilikdə, 13 nəfər ölüb, 200-dən çox adam yaralanıb. Zəlzələnin törətdiyi fəsadlarla əlaqədar 80 min sakin təxliyə edilib.

Şahin Cəfərov