Qadın voleybolçular arasında 2020-ci ildə Tokio Yay Olimpiya Oyunlarına lisenziya xarakterli Təsnifat Turnirin təqvimi açıqlanıb.

Azərbaycan yığmasının da oyunlarının vaxtı dəqiqləşib.

D qrupunda yer alan Covanni Kapraranın rəhbərlik etdiyi komanda ilk qarşılaşmasında Dominikan Respublikası ilə üz-üzə gələcək. Bu matç avqustun 1-də olacaq. Voleybolçularımız ertəsi gün ev sahibi Braziliya ilə gücünü yoxlayacaq. Qrupda son matçda rəqib isə Kamerun yığması olacaq. Bu görüş avqustun 3-də baş tutacaq.

Qeyd edək ki, matçlar Braziliyanın Uberlandiya şəhərində keçiriləcək.

D qrupu
1 avqust
14:15. Braziliya – Kamerun
16:45. Dominikan Respublikası – Azərbaycan

2 avqust
14:15. Braziliya – Azərbaycan
16:45. Kamerun – Dominikan Respublikası

3 avqust
10:00. Braziliya – Dominikan Respublikası
12:30. Azərbaycan – Kamerun