Təbrizin İnqilab Məhkəməsində keçən il mayda həbs olunan bir neçə Güney azərbaycanlı fəalın məhkəmə iclası keçirilib.

Azərbaycanlı fəallar Əkbər Mühaciri, Həsən Mirzaxani, Behnam Cəfəri, Bəhram Cəfəri və Hüseyn Əsl Ərşəntabi avqustun 21-i yerli vaxtla saat 9:00-da Təbrizin inqilab məhkəməsinin 1-ci şöbəsində mühakimə olunublar. Məhkəmə iclasına hakim Rəhim Həmlbər sədrlik edib.

Vəkill Mehdi Cəfərzadə milli-mədəni fəallar Əkbər Mühaciri və Həsən Mirzaxaninin, Cəfər Əfşarniya isə Behnam Cəfəri və Bəhram Cəfərinin hüquqlarını müdafiə ediblər. Hüseyn Əsl Ərşəntabi isə olaraq məhkəmədə vəkilsiz iştirak edib.

Məhkəmənin 1 həftə ərzində hökm çıxaracağı gözlənilir.