Türkiyə Prezidenti Abdulla Gül Türkdilli Dövlətlərin Əməkdaşlıq Şurasının (TDƏŞ) zirvə toplantısında iştirak edə bilməyib. O, özünü pis hiss etdiyinə görə bu gün Bişkəki tərk etməyə məcbur olub. Bu barədə cümə axşamı Türkiyənin "Sabah" qəzeti xəbər verib.
Bu gün Qırğızıstanın paytaxtı Bişkəkdə TDƏŞ-nin zirvə toplantısı öz işinə başlayıb. Onun yekunları üzrə əməkdaşlıq haqqında Bişkək bəyannaməsinin imzalanacağı gözlənilir.
TDƏŞ 2009-cu ildə yaradılıb. Türkiyənin təşəbbüsü ilə onun baş katibi Xəlil Akıncı təyin edilib. Şuranın birinci zirvə toplantısı ötən ilin oktyabrında Almatıda keçirilib.
"Şərti olaraq müəyyən ediılib ki, Bişkəkdəki ikinci zirvə toplantısının əsas mövzusu Şuraya üzv olan dövlətlərin təhsil və mədəniyyət sahəsində əməkdaşlığının inkişafı olacaq", - XİN-dən bildiriblər.

Foruma hazırlıq prosesində birlik iştirakçıları türk xalqlarının tarixi üzrə vahid dərsliklərin, türk terminlərinin vahid ensiklopediyasının, TDƏŞ-na üzv dövlətlərinin ali təhsil müəssisələri arasında qarşılıqlı fəaliyyətin sonrakı inkişafı üzrə layihələrin yaradılması məsələləri üzərində çalışıblar.