Latviyanın ictimai televiziyasında yayımlanan “Dünyanın 700 möcüzəsi” adlı verilişin bu dəfəki mövzusu Azərbaycan olub.

Verilişdə Azərbaycanın xalq sənəti olan meyxananın incəlikləri, habelə məşhur qəzəlxan Əliağa Vahid barədə məlumat verilib.

Bildirilib ki, meyxananı ilk dəfə yazılı ədəbiyyata Əliağa Vahid gətirib. Vahid meyxana janrında öz qələmindən məharətlə istifadə edərək təsirli şəkildə məşhur ictimai-siyasi və tənqidi məzmunlu meyxanaları ilə çıxış edib, geniş rəğbət qazanıb.

Daha sonra ölkəmizdə daş üzərində oyma sənəti haqqında da süjet təqdim olunub.

Aygün Əliyeva