İranda ailələr borclarını ödəyə bilmədikləri yaşlı kişilərə azyaşlı qızlarını ərə verirlər.
Bu barədə İranın Uşaq Haqlarını Müdafiə Dərnəyinin rəhbəri Fərşid Yazdani açıqlama verib.
O bildirib ki, 2009-cu ildə 15 yaşından kiçik 43 min 459 qız, 10 yaşından kiçik isə 449 qız evləndirilib: “2010-cu ildə isə 10 yaşından kiçik evləndirilən qızların sayı 716 olub. Ölkədə erkən nikah hallarının çoxalması yoxsulluğun artması ilə bağlıdır. Bu isə boşanmaların sayının artmasına, intiharlara və əxlaqsızlıqlara səbəb olur”.
Qeyd edək ki, İranda 13 yaşından kiçik qızlar atalarının və məhkəmənin icazəsi ilə ərə verilə bilər.