Nyu-Yorkda Birləşmiş Millətlər Təşkilatının (BMT) Baş Assambleyasının 74-cü sessiyası çərçivəsində Türkiyə Prezidenti Rəcəb Tayyib Ərdoğan, Malayziya Baş Naziri Mahathir Məhəmməd və Pakistan Baş Naziri İmran Xan arasında üçtərəfli görüş keçirilib.

Bu barədə Pakistan Baş Naziri “Twitter” hesabında bildirib.

“Üçtərəfli görüşün nəticəsi olaraq, islamofobiya meyllərinin yaratdığı çətinliklərlə mübarizə aparmaq, islam dini haqda yanlış təsəvvürləri aradan qaldırmaq üçün ingilis dilində telekanalın yaradılması barədə qərar qəbul edilib”, - İ. Xan vurğulayıb.

Pakistanın Baş Naziri qeyd edib ki, telekanalda müsəlmanların tarixindən bəhs edən film və seriallar nümayiş olunacaq.