Türkiyənin Hakkari bölgəsində PKK terrorçularının 24 əsgəri qətlə yetirdikləri hücumdan sonra terrorçulara qarşı başlayan hava və quru hərbi əməliyyatı davam edir.

Bu gecə əməliyyatın miqyası daha da genişlənib. Reyterin məlumatına görə, türk tankları Habur sərhəd məntəqəsindən Şimali İraqa keçiblər. Tanklar PKK-nın «Haftanin» düşərgəsinə doğru irəliləyirlər.

«Haftanin» və bölgədəki digər PKK düşərgəsi «Keşan»da terrorçuların yüksək rütbəli şəxslərinin gizləndikləri bildirilir. Xəbərdə əsas hədəfin «Keşan» düşərgəsi ola biləcəyi vurğulanır.

Əməliyyatla bağlı başqa detallar da məlum olub. Əməliyyat nəticəsində indiyədək 250-270 arası terrorçunun öldürüldüyü üzə çıxıb.