Rusiya prezidenti Vladimir Putin Stalinin dövründə gerçəkləşdirilən hərbi islahatları təkrarlamaq niyyətindədir. Milli Təhlükəsizlik Şurasının toplantısında çıxış edən Putin “1930-cu illərdə müdafiə sənayesində həyata keçirilənlərin eynisini etməliyik” deyib. Putinin rus ordusunu modernləşdirmə proqramı çərçivəsində gələcək 8 il ərzində orduya 22 milyard dollarlıq “sərmayə” yatırılacaq. Bu məqsədlə 600 yeni döyüş təyyarəsi, 400 ballistik raket və yeni sualtı qayıqlardan təşkil olunmuş donanmadan ibarət yeni ordu yaradılacaq.