Milli Dirçəliş Hərəkatı Partiyasının sədri, millət vəkili Fərəc Quliyev bugün- 07.10.2019 tarixində Yeni Televiziyada Hikmət Babaoğlunun qonağı olub. Verilişin mövzusu “Dağlıq Qarabağ münaqişəsinin həlli məsələsində iqtidar-müxalifət həmrəyliyi: "Valday" Diskussiya Klubunda səsləndirilən fikirlər kontekstində” olub.
Fərəc Quliyev müxalifət partiyasının sədri kimi Prezidentin fikirlərini qiymətləndirərkən bildirib ki, bu umummilli problemdir, belə məsələlər də müxalif baxış olmur. Müxalifətdə olmaq hər şeyi qara görmək demək deyil. Biz hakimiyyətdə olsun, bitərəf olsun, başqa siyasi partiyada olsun milli maraqlara uyğun davranış və deyim görəndə dərhal onun yanında olmağı bacarmalıyıq və bizim davranışımız da bundan ibarətdir. Milli maraqların əleyhinə olan davranış və deyim olarsa iqtidarda ya müxalifətdə kim olursa olsun onun qarşısındayıq.

F.Quliyevin həmin verilişdəki açıqlamalarının və şərhlərinin videosunu təqdim edirik: