Gürcüstanda parlament seçkiləri iştirakçılarının siyasi teledebatları sentyabrın 9-da İctimai Televiziyanın efirində başlayır. Teledebatlarda siyahıda birinci gələnlər və Gürcüstan Baş naziri vəzifəsinə namizədlər iştirak edəcəklər.
Bu il teledebatlar milli azlıqların dillərinə, o cümlədən Azərbaycan və erməni dillərinə tərcümə ediləcək.
İctimai Televiziya debatları canlı yayımdan 2-3 gün sonra azərbaycanlıların kompakt yaşadığı Kvemo Kartli bölgəsində və ermənilərin kompakt məskunlaşdığı Samtsxe-Cavaxeti regionunda yayımlanan telekanalların efirində göstərməyi planlaşdırır.
Gürcüstanda parlament seçkiləri oktyabrın 1-də start götürür.