ABŞ Demokratlar Partiyasının qurultayında Barak Obama rəsmən prezidentliyə namizəd irəli sürülüb.

“RİA Novosti”nin verdiyi məlumata görə, B. Obamanın namizədliyi bütün ştatların və ərazilərin nümayəndələri tərəfindən dəstəklənib. Vitse-prezident Cozef Bayden də yenidən bu vəzifəyə namizəd göstərilib. Şimali Karolina ştatının Şarlott şəhərində keçirilən qurultayda 6 mindən çox nümayəndə iştirak edir.

Xatırladaq ki, Respublikaçılar Partiyasının prezidentliyə namizədi Mitt Romni olub. Son sorğulara görə, B. Obama və M. Romninin reytinqləri faktiki olaraq bərabərdir. Seçki noyabrın 6-da keçiriləcək.