Qırğızıstan parlamenti yeni koalisiya (etilaf) hökumətinin tərkibini təsdiqləyib. Baş nazir postuna Jantoro Satıbaldiyev təyin olunub.

Jantoro Satıbaldiyev Bişkek Politexnik İnstitutunu bitirib. Nəqliyyat naziri, Oş şəhərinin meri, Oş vilayətinin qubernatoru postlarını tutub. 2011-ci ildə Prezident Aparatına rəhbərlik edib.

Qırğızıstanın əvvəlki baş naziri Ömürbek Babanov idi. Avqustun (August) 24-də prezident Almazbek Atambayev hökuməti istefaya göndərib. Buna hakim parlament koalisiyasının dağılması səbəb olub. 2011-ci ildə yaradılan hakim koalisiyaya Ata Məkan, Sosial Demokrat, Ar-Namus və Respublika partiyaları daxil idi. İndiki hökumət Respublika Partiyasının iştirakı olmadan qurulub.