Təzəcə başlamışdı
yetmişində gəncliyə,
bir bəhanə uydurub,
göndərdilər dincliyə...
***
Təntənəli yığıncaq...
Domino da verdilər...
Pörtdülər,qızartdılar,
sonra oda verdilər...
***
Yana -yana yaxıldı,
bir söz deyə bilmədi.
Söyüləsi - yaş idi,
amma söyə bilmədi.
***
Geri döndü xəyalən,
Ömür vəfasız çıxdı...
Düz yol ilə gedirdi ,
Görən,onu kim yıxdı?
***
Alqışlar gurlayanda,
Gördü gəlib qocalıq...
Amma heç nə deyilmiş
qocalıqda ucalıq...

Nazim Nəsrəddinov
09.11.2019.