Səbail, Abşeron və Goranboy rayonlarında ölümlə nəticələnən yol-nəqliyyat hadisələri baş verib. Daxili İşlər Nazirliyinin mətbuat xidmətindən bildiriblər ki, Səbail rayonu ərazisində Bakı şəhər sakini Anar Musayev idarə etdiyi “Mercedes” markalı avtomobili elektrik dirəyinə vurub. Nəticədə o, idarəetməni itirdiyindən nəqliyyat vasitəsi qarşıdan gələn, A.Şirəliyevin idarə etdiyi “VAZ-2109” markalı avtomobilə çırpılıb. Nəticədə A.Musayev hadisə yerində ölüb. Abşeron rayonunun Qobu qəsəbəsi ərazisində yolu keçən Məmmədağa Gülməmmədov qəsəbə sakini M.Hüseynovun idarə etdiyi “VAZ-2103” markalı avtomobillə vurulub. Piyada xəstəxanaya aparılarkən yolda ölüb. Goranboy rayonunun Qızılhacılı qəsəbəsi ərazisində isə Tərtər rayon sakini S.Nuriyev idarə etdiyi “Renault” markalı avtomobillə yolu keçən qəsəbə sakini Rauf Həsənovu vurub. Piyada aldığı xəsarətlərdən hadisə yerində ölüb. Hadisələrlə bağlı araşdırmalar aparılır.

DAVAM.AZ