Goranboy rayonu Qaramusalı kəndi, Qarasu adlanan ərazidə mərmi tapılıb.
Ərazilərin Minalardan Təmizlənməsi üzrə Milli Agentliyi bu barədə məlumat Daxili İşlər Nazirliyinin ″102″ Xidməti-Zəng mərkəzi sistemindən daxil olub. Məlumata əsasən, Agentliyin xüsusi mobil çevik əməliyyat qrupu dərhal həmin əraziyə göndərilib və adı qeyd olunmuş ərazidə otlaq sahəsinə baxış keçirilib. Əməliyyat-axtarış tədbirləri nəticəsində 3 ədəd top mərmisi (2 ədəd 152 mm-lik OF-29 və 1 ədəd 122 mm-lik OF-56) aşkar olunmuş, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb. Top mərmilərinin ətrafında 150 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

DAVAM.AZ