Xocavənd Rayon İcra Hakimiyyəti
«Yaddan çıxmaz Qarabağ»
mövzusunda müsabiqə elan edir

Xocavənd rayonunun Ermənistan silahlı qüvvələri tərəfindən işğalının 20-ci ildönümü ilə əlaqədar Rayon İcra Hakimiyyəti «Yaddan çıxmaz Qarabağ» mövzusunda müsabiqə elan edir. Müsabiqəyə Qarabağ bölgəsinin salnaməsini araşdıran, tarixini, mədəniyyətini, coğrafiyasını, etnoqrafiyasını, Qarabağ müharibəsini və digər istiqamətləri əks etdirən məqalələr, telesüjetlər və sənədli flimlər təqdim oluna bilər.
Müsabiqədə yazılı və elektron KİV-lərdə dərc edilən, yaxud yayımlanan, eyni zamanda müxtəlif səbəblərdən çap olunmamış və ya yayımlanmamış mətn və video materiallar qəbul olunur. 10 oktyabr 2012-ci il tarixinədək təqdim edilməli olan məqalələr 5 min işarədən, telesüjet və sənədli filmlər isə 2 dəqiqədən az olmamalıdır.
Xocavənd Rayon İcra Hakimiyyətində təşkil olunmuş Komissiyanın qərarı ilə müəyyənləşəcək qalib mətn və video materialların mükafatlandırması aşağıdakı qaydada keçiriləcək:

1) ən yaxşı məqalələr nominasiyası üzrə:
I yer – 500 manat
II yer ¬- 300 manat
III yer - 200 manat

2) ən yaxşı telesüjet və sənədli flimlər nominasiyası üzrə:
I yer – 500 manat
II yer ¬- 300 manat
III yer - 200 manat

Eyni zamanda, hər nominasiya üzrə 3, ümumilikdə isə 6 həvəsləndirici mükafat (hər biri 100 manat) nəzərdə tutulur.
XÜSUSİ QEYD: Komissiyanın qərarı ilə müsabiqəyə ingilis və rus dilləri üzrə də yazılı və video material təqdim oluna bilər. Bu bölüm üzrə mükafatlandırma əlavə keçirilsə də, nəticələr eyni gündə elan olunacaq.
Materiallar Xocavənd Rayon İcra Hakimiyyətində təşkil olunan Komissiyaya (Beyləqan rayonu Xocavənd qəsəbəsi: əlaqə telefonu 050-663- 46- 68; 021-223-52-03), yaxud Bakı şəhəri, Nərimanov rayonu S.Y. Bakuvi-20 (əlaqə telefonu 070- 993-43- 03; 012-567-93-53) ünvanına təqdim olunmalıdır. E-mail ünvanları: axullu.aslanov@mail.ru və xocavend@box.az.
Mükafatlandırma mərasimi oktyabr ayının sonlarında təşkil olunacaq.

Təşkilat Komitəsi