Tashkentte Ortalyq Azııa memleket basshylary ekinshi konsýltatıvtik kezdesý alańynda Ózbekstan Respýblıkasynyń Prezıdenti Shavkat Mırzıeev Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevpen kezdesti, dep habarlaıdy QazAqparattyń menshikti tilshisi Ózbekstan prezıdentiniń baspasóz qyzmetine silteme jasap. Elbasy Tuńǵysh Prezıdent kúnine arnalǵan kontsertti tamashalady Elbasy Qazaqstannyń talantty jastarymen kezdesti Elbasy Tatarstan Memlekettik keńesiniń tóraǵasymen kezdesti Elbasy daryndy jastarmen júzdesedi Nazarbaev pen Mırzıeev OA basshylary ekinshi konsýltatıvtik kezdesýi aıasynda kelissóz júrgizdi. Ózbekstan basshysy Nursultan Nazarbaevty Ózbekstan Respýblıkasyna kelýimen quttyqtap, Ózbekstannyń aımaq elderi kóshbasshylarynyń kezdesýin ótkizý bastamasyna kórsetken qoldaýy úshin rızashylyǵyn bildirdi. Sonymen qatar, sońǵy jyldary birlesken kúsh-jigerdiń arqasynda Ózbekstan men Qazaqstan arasyndaǵy dástúrli tyǵyz qarym-qatynastar sapaly jańa deńgeıge kóterilip, naqty praktıkalyq mazmunǵa toly ekenin atap ótti. Óz kezeginde, Elbasy Nursultan Nazarbaev Prezıdent Shavkat Mırzıeevtiń bastamasymen alǵash ret 2018 jyly Nur-Sultan qalasynda ótken Ortalyq Azııa memleket basshylarynyń konsýltatıvtik kezdesýlerin ótkizý - aımaqtaǵy jan-jaqty yntymaqtastyqty odan ári nyǵaıtyp, ózara árekettesýdiń naqty jobalaryn alǵa jyljytý úshin tıimdi alańǵa aınalǵanyn tilge tıek etti. Kóshbasshylar kezdesýde ekijaqty qarym-qatynas, kún tártibindegi jahandyq jáne óńirlik ózekti máseleler boıynsha pikir almasty. Eske salaıyq, keshe QR Tuńǵysh Prezıdenti – Elbasy N.Nazarbaev Ortalyq Azııa memleket basshylary ekinshi konsýltatıvtik kezdesýine qatysý úshin Tashkentke is-saparmen bardy.
DAVAM.AZ
“Daşkənd Bürosu” (Özbəkistan)