Ümumrusiya Azərbaycan Konqresinin Ulyanovsk regional bölməsinin sədri İslam Hüseynov sui-qəsdə məruz qalıb.
“Rg.ru” portalının verdiyi məlumata görə, hadisə bu gün Ulyanovsk şəhərinin mərkəzindəki Lenin küçəsində baş verib. İlkin xəbərlərlə əsasən hadisə zamanı İ. Hüseynov yaralanıb, onu mühafizəçisi isə ölüb. Hazırda hadisə yerində operativ istintaq qrupu çalışır, olayın təfərrüatları daha sonra bəlli olacaq.
Qeyd edək ki, İ. Hüseynov 1969-cu il təvəllüdlüdür. O, 90-cı illərin əvvəllərində ailəsi ilə birlikdə Ulyanovska köçüb.