Elordada «ÁMEN Animation film festival» atty anımatsııalyq kınofestıval ótip jatyr, dep habarlaıdy QazAqparat tilshisi. Ulttyq anımatsııa salasyna ólsheýsiz úles qosqan rejısser-anımator Ámen Qaıdarovtyń atymen atalǵan shara Saryarqa oıyn-saýyq ortalyǵyndaǵy KINOPARK-te uıymdastyrylǵan. Sharanyń maqsaty – qazaq anımatsııasynyń damýyna yqpal etý jáne jas daryndarǵa qoldaý kórsetý. Bastama osy saladaǵy aǵa býyn ókilderi tarapynan da qoldaý tapqan. Festıvaldiń qurmetti qonaǵy retinde Ernst Beıseıtov, Galına Dýsenko, Tamara Mýhanova, Jáken Dánenov, Ámirjan Qazıev, Qusmanbek Omaruly, Lıýbov Radıonova, Ǵalı Myrzashev, Batyrhan Dáýrenbekov, Kerimbek Nııazbaev, Nýrıddın Patteev, Erkin Djeksembaev, Slambek Táýekel jáne basqalar shaqyrylǵan. Oǵan qosa, Moıra Margýın (Frantsııa), Mıhaıl Týmelıa (Belarýs), Ola Chrapovıchka (Polsha), Habıb Býrhalıfa (Aljır) sekildi sheteldik anımatsııa maıtalmandary da qoldaýyn bildirip, lebizin joldaýda. Kınofestıvaldiń ádilqazylar alqasy quramyna anımatsııalyq kıno rejısseri Jáken Dánenov, dramatýrg Roza Muqanova, kınosynshy Nazıra Muqysheva, prodıýser, medıa menedjer Serik Abbas-Shah, anımatsııalyq kıno rejısseri Adaı Ábilda, medıa menedjer Maqpal Jumabaı, akter, rejısser Dáýren Serǵazın syndy mamandar enip otyr. Ámen Qaıdarovtyń jubaıy Valentına Konstantınovna festıval qatysýshylaryna sát-sapar tilegen arnaıy vıdeoquttyqtaýyn joldady. Ol óz sózinde «Jas daryndarǵa Ámenniń jolyn bersin» degen aq tilegin jetkizdi. Ámen Animation film festival qorjynyna 80-nen astam ótinim kelip túsip, baıqaýǵa 51 jumys iriktep alyndy. Shara aıasynda anımatsııalyq kınostýdııalardyń kórmesi ótedi. Oǵan «Dala animation», «SAQ» kınostýdııasy, «Ara studio», «Anyz film», «Rio animation», «Qazart», «Astana film», «Glen» anımatsııalyq akademııasy jáne «Qgoo» grafıkalyq oqytý ortalyǵy qatysady. Sonymen qatar, T.Júrgenov atyndaǵy Ulttyq Óner akademııasy men Qazaq Ulttyq Óner ýnıversıteti stýdentteriniń grafıkalyq-kompıýterlik jumystarynyń kórmesi uıymdastyrylady. Shymkent qalasyndaǵy A.Qasteev atyndaǵy óner jáne dızaın kolledjiniń ustazdary men stýdentteri de festıval jumysyna atsalysyp otyr. Festıval barysynda belgili bir taqyryp boıynsha Komıkster konkýrsy ótkiziledi. Oǵan aldyn ala tirkeýden ótken úmitkerler qatysady. Ámen Animation film festival tómendegi nomınatsııalar boıynsha júldeler taǵaıyndaıdy:
«Úzdik kásibı anımatsııalyq fılm»;
«Úzdik rejısserlik jumys»;
«Úzdik stsenarıı»;
«Úzdik qoıýshy sýretshi»;
«Úzdik stýdenttik jumys»;
«Úzdik mýlthıkaıa»;
«Ádilqazylar júldesi»;
«Kórermen kózaıymy»;
«Úzdik komıks».
«Bul festıval elimizdiń anımatsııalyq áleýetin arttyrýǵa óz úlesin qosatyn mándi qozǵalystyń biri bolady. Biz aǵa býynnyń eńbegine qurmetpen qaraıtyn, jańa býynnyń izdenisine qoldaý bildiretin qaýymdastyq qurýdy maqsat etemiz», - deıdi kınofestıvaldiń uıymdastyrýshysy Maqpal Jumabaı.

DAVAM.AZ
“Nur-Sultan Bürosu” (Qazaxstan)