Binəqədi rayonunda bir avtomobildən akkumulyator, eləcə də iki həyətyanı sahədən üç ev quşu və bir qapı oğurlamaqda, habelə M.Seyidovun “Niva” markalı avtomobilini qaçırmaqda şübhəli bilinən Abşeron rayon sakini, əvvəllər məhkum olunmuş R.Məmmədov rayon polis idarəsinin 40-cı polis bölməsinin əməkdaşlarının keçirdikləri əməliyyat-axtarış tədbirləri nəticəsində saxlanılıb. Daxili İşlər Nazirliyinin mətbuat xidmətindən bildiriblər ki, oğurluq etdiyinə görə tutulmuş V.Salamovun ətrafında Binəqədi Rayon Polis İdarəsinin 3-cü polis bölməsinin əməkdaşları tərəfindən aparılmış əməliyyat tədbirləri ilə onun rayondakı üç evdən qızıl-zinət əşyaları oğurlaması da müəyyənləşdirilib. Faktlarla bağlı araşdırma aparılır.

DAVAM.AZ