Adını çəkdiyimiz iki qardaş 2011-ci il noyabrın 3-də Təbriz ETTELAAT idarəsinin (İran Kəşfiyyat Nazirlıiyi) məmurları tərəfindən tutuqlanıb və 66 gün saxlanıldıqdan sonra mülki vəsiqə qarşılığında azadlığa buraxılıblar. Nəhayət Təbriz inqilab məhkəməsinin 1-ci şöbəsi Arəş Məhəmmədi barəsində 1 il və Siyavuş Məhəmmədi barəsində 3 ay həbs qərarı çıxarıb.



Sentyabrın 15-də iki qardaş öz dosyeləri haqqında xəbər tutmaq üçün Təbrizin istintaq idarəsinə müraciət ediblər. Məlumata görə, onlar istintaq idarəsinin məmurları tərəfindən yaxalanıb və məhkumluq dövrlərini çəkmək üçün Təbriz zindanına intiqal ediliblər.