Túmen oblysynda osymen úshinshi qazaq tili synyby ashyldy, dep habarlaıdy. Túmen oblysy qazaqtarynyń ulttyq-mádenı avtonomııasynyń prezıdenti Esenǵalı Ibraevqa silteme jasap. Bul jaıynda ol óziniń Facebook paraqshasynda jazdy. «Búgin Golyshmanovo aýylyndaǵy №4 orta mektep bazasynda oblystaǵy kezekti úshinshi qazaq tili synyby ashyldy. Synyptyń ashylýyna oraı kontsert uıymdastyrylyp, shashý shashyldy, merekelik dastarhan jaıyldy. Túmen oblysy qazaqtary ulttyq-mádenı avtonomııasynyń bul bastamasyna Golyshmanovo qalalyq okrýginiń basshysy Aleksandr Ledakov qoldady. Qazaq tiliniń alǵashqy sabaǵyna 40 oqýshy, sondaı-aq ata-analar, atalar men ájeler kelip qatysty. Synypqa adam jınaý áli jalǵasyp jatyr. Aýyldarda qazaq tilin úırengisi keletinder barshylyq» dep jazdy Esenǵalı Ibraev. Golyshmanovo qazaqtary ulttyq salt-dástúr men mádenıetti qadir tutady, ustanady. Kóp jyldar buryn dál osy jerde Túmen oblysy qazaqtarynyń alǵashqy quryltaıy ótken. «Búginde bizdiń avtonomııanyń jergilikti bólimshesin Dúısenbaı aǵa Bekqojınov basqarady. Olar ulttyq-mádenı jobalardy belsene júzege asyryp júr. Jergilikti oqýshylarǵa qazaq tilin úırenýde sáttilik tileımin», - deıdi Túmen oblysy qazaqtary ulttyq-mádenı avtonomııasynyń basshysy. Endigi jospar – dál osyndaı qazaq tili synybyn Ishım qalasynan ashý.

DAVAM.AZ

“Nur-Sultan Bürosu” (Qazaxstan)