Türkiyəli yazıçı İsgəndər Pala sentyabrın 17-si Bakıda, Rəşid Behbudov adına Dövlət Mahnı Teatrında oxucularla görüşüb.

Görüşü təşkil edən “Avrasiya Beynəlxalq Araşdırmalar İnstitutu” İctimai Birliyinin yaydığı məlumata görə, İsgəndər Pala yaradıcılıq kredosu, ədəbi-fəlsəfi məntiqi barədə danışıb, oxucuların suallarını cavablandırıb.

Alimlər Vaqif Abbasov, Əsgər Rəsulov, yazıçı-tərcüməçi Nəriman Əbdülrəhmanlı İsgəndər Pala yaradıcılığı barədə mülahizələrini bölüşüblər. Sonda yazıçının Bakıda çap olunmuş “Od” romanının imzalanma mərasimi olub.