“O‘zbekkino” Milliy agentligi va Samarqand viloyati hokimligi hamkorligida o‘zbek xalqining buyuk siymolariga bag‘ishlangan filmlar suratga olish bo‘yicha kelishuvga erishildi. Loyihaga ko‘ra, shoh Doro boshchiligidagi Fors bosqinchilarini donoligi va jasorati bilan halok qilgan sak qabilasiga mansub cho‘pon yigit –Shiroq haqidagi serial hamda taniqli ma’rifatparvar, jadidchilik harakatining taniqli namoyandalaridan biri, atoqli yozuvchi va dramaturg Mahmudxo‘ja Behbudiy haqida badiiy film yaratiladi. Mahmudxo‘ja Behbudiy haqidagi filmni suratga olish ishlari 2020 yil oxiriga qadar yakunlanishi kutilmoqda.
Shiroq haqidagi teleserialni suratga olishda maslahatchi sifatida chet ellik rejissyorlar taklif qilinishi reja qilingan, deyiladi “O‘zbekkino” Milliy agentligi xabarida.

DAVAM.AZ