Úkimet basshysynyń orynbasary Berdibek Saparbaev Mádenıet jáne sport mınıstrligine shyǵarmashylyq ujymdardyń óńirlermen baılanysyn nyǵaıtýdy tapsyrdy, dep habarlaıdy. Memleket jastardy árqashan qoldaıdy - Berdibek Saparbaev Birde-bir suraq jaýapsyz qalmaýy kerek – Berdibek Saparbaev Berdibek Saparbaev bıznesti qoldaý týraly aıtty «Respýblıkalyq shyǵarmashylyq ujymdardyń óńirlermen baılanysynyń mańyzy zor. Baıaǵyda aýylda júrgende «Bıbigúl Tólegenova nemese Roza apamyz keldi» degen kezde búkil aýyl bolyp jınalyp, kontsertin kórip, ánin tyńdaıtyn edik. Sondyqtan, Mádenıet jáne sport mınıstrligi jergilikti atqarýshy organdarmen birigip, baılanys, tájirıbe almasý, oqytý-úıretý sharýalarymen aınalysýy kerek», - dedi Berdibek Saparbaev elordada ótken Mádenıet jáne sport mınıstrliginiń keńeıtilgen alqa májilisinde. Vıtse-premerdiń aıtýynsha, árbir ánniń, óleńniń maǵynasy bolýy tıis. «Árbir ánniń tárbıelik máni bolýy tıis. Shyǵarma Otanyńdy, ultyńdy súıýge baýlýy kerek. Shámshi Qaldaıaqovtyń ánderi nelikten osy ýaqytqa deıin ólmeıdi. Óıtkeni ár ániniń úlken maǵynasy bar. Qazirgi bizdiń ánderdi tyńdap kórińizshi, qalaı ekendigin... Fonogramma týraly da talaı aıttyq. Keıingi kezde qobyz ben dombyrany fonogrammaǵa qoıyp turyp tartamyz. Bul – mýzyka aspaptaryn naǵyz qorlaý. Qobyzdyń da, dombyranyń da óz úni bar ǵoı. Sondyqtan, ónerdiń osy jaǵyna kóńil bólmesek, tárbıe berý isiniń mańyzy artqan zamanda munyń arty jaqsy bolmaıdy», - dedi Berdibek Saparbaev. Aıta ketsek, Mádenıet jáne sport mınıstrliginiń keńeıtilgen alqa májilisinde mınıstr Aqtoty Raıymqulova 2020 jyly mádenıet salasynda qolǵa alynatyn negizgi sharalardy ataǵan bolatyn.

DAVAM.AZ
“Nur-Sultan Bürosu” (Qazaxstan)