Gəncə şəhərinin Kəpəz rayonunda ümumi sahəsi 600 kvadratmetr olan ikimərtəbəli tikilidə yanğın baş verib. Fövqəladə Hallar Nazirliyindən bildiriblər ki, hadisə nəticəsində tikilinin birinci mərtəbəsində sahəsi 35 kvadratmetr olan avtomobil təmiri sexinin içərisindəki “Hyundai” markalı minik avtomobili yanıb. Yüksək temperaturdan sexin lambirindən ibarət tavanı əriyib. Yanğın zamanı bir nəfər xəsarət alıb. Tikilinin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb. Hadisə ilə bağlı müvafiq qurumlar tərəfindən araşdırma aparılır.

DAVAM.AZ