Bu barədə Gürcüstanın başkəndi Tiflisin meri Kaxa Kaladze şəhər hökumətinin iclasında bildirib. Onun sözlərinə görə, binanın bərpası 2021-ci ildə başa çatdırılacaq. Layihənin dəyəri 17 milyon lari təşkil edəcək. Layihə çərçivəsində Gənclər sarayının binası ilə yanaşı zalları da bərpa olunacaq, bağ da yenilənəcək və yaşıllıqlar salınacaq.
Qeyd edək ki, “Gənclər sarayı” kimi fəaliyyət göstərən binada 1918-ci il mayın 28-də Azərbaycan Xalq Cümhuriyyətinin (AXC) yaradıldığı rəsmən elan olunub. Binada AXC-nin elan edildiyi zalın girişində bu barədə Azərbaycan, gürcü və ingilis dillərində məlumatın əks olunduğu lövhə yerləşdirilib.

DAVAM.AZ
“Tiflis Bürosu” (Gürcüstan)